Pas vizitës së ministrit të punëve të jashtme të Maqedonisë, Nikolla Dimitrov në Greqi, mediat greke kanë paralajmëruar se më 31 gusht pritet vizita e ministrit të jashtëm grek, Nikos Kotzias në Shkup.
Çështja e emrit pritet të jetë temë kryesore e bisedës së ministrave të jashtëm të dy shteteve.
Për dallim nga qeveria e kaluar nën udhëheqjen e VMRO-së, të cilët kishin qasje nacionaliste dhe të pakompromistë lidhur me çështjen e emrit, qeveria e re në krye me Zoran Zaevin duken më liberal në këtë drejtim.
Deri tani janë përmendur disa emra eventual për emrin e shtetit, si “Maqedonia e re”, “Maqedonia e epërme”, “Maqedonia e Vardarit” etj.
Ajo e cila më së shumti i tangon si popullin grek, poashtu edhe atë maqedonas janë rreziku nga pretendimet që mund ti kenë këto dy shtete.
Grekët druhen nga irredentizmi dhe pretendimet territoriale te maqedonasit, nëse eventualisht lëshojnë pe për çështjen e emrit.
Nga ana tjetër maqedonasit arsyetohen që në rast se e ndryshojnë emrin e shtetit do të humbin edhe të drejtën e identitetit si maqedonas. /tesheshi.com/
