Një person i paraburgosur që kërkohej nga autoritetet amerikane është gjetur i pajetë në Qendrën e Paraburgimit në Pejë.
Lajmin e kanë konfirmuar autoritetet rajonale të Pejës, të cilët thanë se dyshohet që i paraburgosuri është vetëvarur. Ai kërkohej nën akuzat se kishte ekzekutuar një person në SHBA. Policia bën me dije se fjala është për Binak Gjergjaj, i cili po mbahej në masa sigurie që nga 14 qershori.
Policia po e cilëson këtë rast si vdekje të dyshimtë.
Kosova ka intensifikuar rastet e ekstradimit në SHBA të personave që kërkohen nga qeveria e atjeshme, dhe i fundit nga ta ishte edhe Imer Shahini, nën dyshimet për skemë mashtrimi disa milionë dollarëshe. /tesheshi.com/
