Afro 5 ditë pas dorëhëqjes së Sandër Lleshaj si ministër Rendi, ka ardhur më në fund emri i pasuesit të tij. Do jetë Blendi Çuçi, i cili aktualisht drejton Bujqësinë. Ndërsa ky sector do kalojë në drejtimin e Milva Ikonomit, aktualisht nr.2 i Ekonomisë.
“Sot do të dërgoj për dekretim nga Presidenti, Bledi Çuçin si ministër të Brendshëm dhe Milva Ikonomin si ministre bujqësie; dy bashkëpunëtorë të përkushtuar në çdo detyrë që kanë kryer këto vite, me integritet, profesionalizëm dhe kulturë qytetare e politike të padyshimtë”, njoftoi Rama në Twitter.
Kujtojmë se Blendi Çuçi ishte njeriu që drejtoi reformën territorale në mandatin e parë të Ramës. A nuk ka asnjë akuzë apo përfolje nga kundërshtarët politikë, por vetëm një diversion moral. Blendi Çuçi ka si bashkëshorte bashkëpatrioten e tij gjirokastrite, Delina Fico. Kjo e fundit, një aktiviste civile, ka bashkëjetuar me Ramën në vitet në ’90.
Ishte aluduar se në vend të Lleshajt mund të qe një grua, por, siç po shihet, Rama është kujdesur që të zgjedhë një emër “të pastër”, të paktën deri më tani, i pakaluar në gojën e opozitës. /tesheshi.com/
