Trupat amerikane kanë humbur një nga mbështetëset e tyre më të mëdha. Elizabeth Laird, e njohur edhe si ‘hug lady” (zonja e përqafimeve), ka ndërruar jetë në moshën 83 vjeçare në Killeen të Teksasit.
Gjatë 12 viteve të fundit ajo ka zgjatur krahët e saj në aeroport, duke pritur e përqafuar mijëra ushtarë që ktheheshin ën vendin e tyre pasi kanë kryer shërbimin në vendet e luftës, apo që janë gati për tu nisur për në shërbim. Kur gjendja e saj shëndetësore u rëndua dhe e detyroi të qëndronte e shtrirë në një shtrat spitali, ushtarë të shumtë që ajo kishte përqafuar, në shenjë solidariteti dhe falënderimi, kanë shkuar dhe e kanë vizituar atje.
“Secili prej tyre është i veçantë. Deri sa të kem jetë do të vijoj t’i përqafojë”,- ka thënë ajo përpara se të ndërronte jetë./tesheshi.com/
