Me dhjetëra veteranë të UÇK-së kanë kërkuar të aplikojnë për marrjen e pensionit që është përcaktuar nga qeveria të jetë 170 euro për të gjithë, pa dallim moshe. Edhe pse e kanë kundërshtuar si shumë të ulët masën e pensionit, interesi ka qenë i madh për aplikim duke krijuar radhë përpara zyrës së qeverisë.
Raportohet se veteranët po presin në radhë për të dorëzuar dokumentet e nevojshme në mënyrë që të marrin pensionin e premtuar.
Shoqatat e veteranëve protestuan më herët kundër masës së pensionit të vendosur nga qeveria, duke thënë se ai ishte tepër I ulët dhe duke kërkuar rritjen në 220 euro. Por, qeveria pranoi vetëm kërkesën për të mos patur diferencime në dhënien e pensionit sipas moshës së aplikantit, por jo për masën e pensionit. /tesheshi.com/
