Shumë qytetarë të Kosovës, i janë përgjigjur pozitivisht ftesës se AAK-së në marshin protestues të kësaj partie kundër arrestimit të liderit të tyre Ramush Haradinaj.
Me pankarta në duar “Haradinaj është Kosova”, “Haradinaj çlirimtar”, “Mos e fyeni Kosovën”, “Kriminelët kërkoni në Serbi”, “Vuçiq = Millosheviq”, etj, marshi filloi tek ‘New Borni’, dhe vazhdoi më pas tek ambasada franceze në Prishtinë.
Në këtë marsh përveç figurave të larta të Aleancës, kanë marr pjesë edhe struktura të partive opozitare si Vetëvendosje e Nisma, si dhe strukturat e organizatave të dala nga lufta.
Nënkryetari i AAK-së, Ardian Gjini tha pas marshimit se ata kaluan edhe pranë Ambasadës franceze ku dorëzuan këkesën e tyre për lirimin sa më të shpejt të kreut të tyre.
“Ne sot e kemi kryer një obligim.E kemi kryr në mënyrn më dinjitoze. Në ambasadën franceze e kemi dërguar një letër ku kërkojmë që ky proces të kryhet sa më shpejt. Ju faleminderit”, ka thënë Gjini.
Marshi protestues ka përfunduar i qetë.
Gazetari i portalit tonë ka realizuar disa foto që mund të shikoni më poshtë:
