Treni serb me mbishkrime nacionaliste dhe tensionet që krijoi në marërdhëniet, edhe kështu jo të paqta, mes Prishtinës dhe Beogradit u diskutua gjatë vizitës që shefi i NATO-s, Jens Stoltenberg zhvilloi sot në Prishtinë.
Në një dalje për mediat pas takimit me presidentin Isa Mustafa, ky i fundit theksoi se treni pati bekimin e Rusisë dhe krijoi jo pak tension. Ndërkaq, ai falënderoi NATO-n për gjithçka që ka bërë për Kosovën.
“Kosova vlerëson lart rolin e NATO-s dhe aspiron të bëhet pjesë e saj. Të gjitha pjesët e politikës në Kosovë, si pozitë dhe opozitë janë pajtuar për këtë dhe ky është qëndrim i yni i përbashkët. Vlerësojmë lart rolin e KFOR-it dhe shohim se është i domosdoshëm prania e kësaj trupe ende në Kosovë”, ka thënë Mustafa.
Sipas tij, Qeveria është thellë e përkushtuar në të gjitha çështjet përmes dialogut me Serbinë.
“Dialogu është strategjik, mirëpo përkundër kësaj ne kohëve të fundit kemi pasur disa provokime, për të cilat jemi marr vesh ti kalojmë në paqe dhe përkushtim dhe të ndërtojmë një mjedis ku do të mbizotërojë paqja”, ka thënë tutje Mustafa.
Nga ana e tij, Stoltenberg kërkoi që të ulen retorikat dhe të vijohet me dialog. /tesheshi.com/
