Në vitin 2013 u dogj. Ndërsa në marsin e këtij viti u shemb në pjesën më të madhe të saj. Bëhet fjalë për një shtëpi të vjetër e cila në kohën e Austro-Hungarisë ka qenë konsullatë.
Objekti që llogaritet ndër më të vjetrit në Prishtinë e që gjendet në rrugën “Xhemail Prishtina”, zyrtarisht është në mbrojtje të shtetit.
Në disa foto që ka realizuar “KosovaPress” shihet se askush nuk ka ndërhyrë në këtë shtëpi e cila do të duhej që të ruhej si vlerë e trashëgimisë kulturore.
Kur u shemb në mars, kryetari Shpend Ahmeti deklaroi se objekti është në proces gjyqësor në mes të dy pronarëve, prandaj edhe ka mbetur në këtë gjendje. /tesheshi.com/
