Një proteste e llojit Vetëvendosës në vite, duke goditur selinë qeveritare, është organizuar në Prishtinë, ku tashmë është Albin Kurti ai që ballafaqohet me atë që ka bërë vetë ndër vite ndaj qeverive të tjera.
Më saktë, një grup protestuesish qëlluan me llamba Ministrinë e Ekonomisë , duke kërkuar shkarkimin e ministers Artane Rizvanolli, pikërisht për shkak të ndërprerjeve të energjisë.
Ata kanë kërkuar furnizim 24 orë me energji elektrike, pa marrë fare në konsideratë krizën, edhe globale.
Siç raporton Euroneës Albania, protesta nisi para KEDS-it, ku një nga organizatorët e protestës, Dibran Hoxha theksoi se KEDS dhe qeveria ia kanë nisur me nga dy orë reduktime të rrymës, por në disa vende nuk ka rrymë deri 24 orë rrymë. Kjo sipas tij është diskriminuese.
Hoxha tha se reduktimi rrymës nuk duhet pranuar kurrsesi.
Parullat e tyre ishin: “Ngrohja nuk është komoditet”, “KEDS t’i kthehet Kosovës”, dhe “Rizvanolli ik”.
Protestuesit kanë qëlluar me llamba drejt objektit të KEDS në formë proteste. /tesheshi.com/
