Protesta e veteranëve pak ditë më parë, ku ata thyen edhe barrikadën që mbron ndërtesën e Qeverisë së Kosovës, ka vënë në alarm policinë. Ndërsa pritej një tjetër protestë e veteranëve, por e paparalajmëruar, policia ka dërguar në mbrojtje të qeverisë rreth 40 forca e përkundrejt tyre është shfaqur vetëm një protestues i vetëm.
Zyrtarisht, policia ka marrë masa, sipas zëdhënësit Baki Kelani, si për të gjitha rastet kur vlerëson se mund të thyhet qetësia dhe rendi publik. Policia në fakt, nuk kishte marrë njoftim për mbajtjen e protestës, por duket ka vepruar mbi bazën e informacioneve.
Kryetari i Këshillit për Mbrojtjen e të Drejtave të Veteranëve, Xhevdet Qeriqi tha se nuk kanë marrë ende ndonjë vendim për protestën e radhës, por se do të merren vesh shpejt për mbajtjen e saj./tesheshi.com/
