Mbështetës të lëvizjes Vetëvendosje janë mbledhur përpara ndërtesës së Kuvendit, pas thirrjes së kësaj partie ku paralajmëronte se deputetët do të nxirreshin me dhunë. Mirëpo, në të njëjtën kohë, me protestuesit e Vetëvendosjes përpara Kuvendit kanë zënë vend edhe një numër forcash policie, për të shmangur incidentet.
Në këtë mënyrë, Kuvendi është vendosur nën rrethim si nga aktivistët e opozitës ashtu edhe nga policia, duke krijuar një atmosferë të tensionuar.
Para Kuvendit qëndrojnë edhe sekretari organizativ i Vetëvendosjes, Dardan Molliqaj, dhe drejtori i Inspeksionit në Komunën e Prishtinës, Xhelal Sveçla. /tesheshi.com/
