Dogana e Kosovës pas dyshimeve se në lagjen “Dardania” në Prishtinë janë dy dyqane të cilat operojnë me lojëra fati ilegale ka ndërmarr një kontroll të befasishëm ku edhe janë gjetur këto dy lokacione.
Zyra për informim e Doganës së Kosovës njofton se të dy lokacionet e dyshuara kishin ndërruar pamjet e jashtme të lokalit duke tentuar të kamuflojnë aktivitetin ilegal, njëri operonte nën emrin Rrobaqepës deri lokali tjetër nën emrin Counter Strike.
“Kontrolli i ushtruar ka gjetur duke operuar një pike basti të pa-licencuar si dhe janë zbuluar lojëra të ndaluara “Keno” dhe “Racing Dogs” në të dy lokacionet”, thuhet në komunikatë.
Dogana e Kosovës me këtë rast ka sekuestruar pajisjet e pa licencuara dhe ndaj personave përgjegjës do të inicioje procedurën kundërvajtëse. Gjithashtu në vendngjarje janë ftuar edhe zyrtarët e Administratës Tatimore të Kosovës (ATK) të cilët kanë bërë mbylljen e lokaleve. /tesheshi.com/
