Ndërsa mëngjesin e së mërkurës u sulmua fizikisht drejtori i burgjeve të Kosovës, Sokol Zogaj, në mbrëmje një akt i ngjashëm ka ndodhur edhe ndaj gazetarit Parim Olluri, pjesë e stafit të Insajder-it. Ky i fundit u godit nga disa persona afër banesës së tij në rrugën “Bajram Kelmendi” në Prishtinë.
Në atë moment ka qenë i shoqëruar dhe nga bashkëshortja e tij, e cila është alivanosur nga përballja me situatën e pazakontë.
Olluri ka pësuar disa lëndime dhe është dërguar për trajtim në Qendrën Klinike Universitare.
Asociacioni i Gazetarëve të Kosovës ka dënuar sulmin ndaj gazetarit Olluri, duke iu kërkuar organeve të sigurisë që të zbulojnë menjëherë këtë rast. /tesheshi.com/
