Autoritetet e Kosovës kanë vendosur që asnjë zyrtar serb të mos lejohet të hyjë në Kosovë. Kjo është bërë e ditur Jetlir Zyberaj, këshilltar i ministrit të Jashtëm Behgjet Pacolli. Ai shkruan në Facebook se një vendim të tillë u morr për shkak të kërcënimeve dhe sulmeve në Veri, si dhe problemeve të tjera që vinin nga zyrtarët e Beogradit.
“Për shkak të kërcënimeve hibride që Serbia po bën ndaj Kosovës, propagandës së vazhdueshme dhe lajmeve fake ndaj vendit dhe qytetareve tanë dhe përpjekjet e fundit për të inskenuat një të ashtuquajtur krizë humanitare në veri të Kosovës duke kërcënuar popullsinë serbe që jeton atje dhe duke i detyruar ata të mbyllin bizneset e tyre vetëm për shkak të disa objektivave politike të Beogradit,
Ministria e Punëve të Jashtme nuk do të lejojë asnjë zyrtar nga Beogradi për të vizituar Kosovën dhe të gjitha kërkesat do të refuzohen për aq kohë sa kjo sjellje vazhdon”, sqaron Zyberaj.
Ky vendim i natyrës politike pason atë të natyrës ekonomike, me arsye e sfund politik gjithsesi, për taksë 100 përqind për mallrat serbe, gjersa Beogradi të ndryshojë qëndrim ndaj Kosovës. /tesheshi.com/
