Qeveria e Kosovës u tërhoq nga vendimi që të kthyerit nga Shqipëria të bënin testin COVID. Ishte ministri i Shëndetësisë Armend Zemaj, ai që tha se kjo masë nuk vlen për Shqipërinë.
“Sapo u takova me ambasadorin e Republikës së Shqipërisë në Kosovë z.Qemal Minxhozi, të cilit i konfirmova se qytetarëve e Republikës së Shqipërisë që hyjnë në territorin e Republikës së Kosovës, nuk i kërkohet testi për COVID-19.
Vendimi i Qeverisë së Kosovës është i bazuar në parim të reciprocitetit, si rrjedhojë nuk kërkohen testime nga qytetarët e Kosovës dhe Shqipërisë dhe as nga bashkëqytetarët tanë nga Lugina e Preshevës.
Bashkë me ambasadorin Minxhozi, u zotuam që do të vazhdojmë bashkëpunimin e ngushtë mes dy shteteve!”, shkroi Zemaj në FB.
Duhet kujtuar se për momentin dhe për vetë kushtet pandemike, turizmi shqiptar po mbahet gjallë prej prurjeve njerëzore nga Kosova. /tesheshi.com/
