Komuna e Prishtinës për herë të parë organizon “Festivalin e ëmbëlsirave”, për nder të festës së Bajramit.
Kjo është bërë e ditur përmes një komunikate ku thuhet se festivali i ëmbëlsirave, ideuar dhe organizuar nga Komuna e Prishtinës ka për synim mbështetjen e bizneseve të vogla me ide kreative. Këto të fundit do të kenë rastin të bëjnë shitjen e produkteve ushqimore (ëmbëlsirave dhe pijeve freskuese), në periudhë prej 7 ditë në 12 shtëpiza të drurit, të cilat do të vendosen në sheshin “ZahirPajaziti”.
Hapja e Festivalit të ëmbëlsirave do të bëhet me datë 4 korrik 2016 në sheshin “ZahirPajaziti” ku do të qëndrojë hapur deri me 11 korrik 2016. Gjatë këtyre 7 ditëve bizneset e përzgjedhura për shtëpiza lejohen të punojnë çdo ditë, nga e hëna në të dielën duke filluar prej orës 09:00 deri në orën 23:00. Asnjë shitje nuk do të lejohet para orës 09:00 si dhe pas orës 23:00.”
Më në fund një lajm i mirë për besimtarët mysliman të Kosovës, pasi për herë të parë po bëhet një organizim i tillë në sheshin kryesor të Prishtinës.
Duke u nisur nga ajo ku në sheshet e kryeqytetit ka patur treg të fund vitit për festën e Krishtlindjeve dhe për Vitin e Ri, Komuna e Prishtinës dëshiron që këto aktivitete t’i bëjë tradicionale duke organizuar edhe për festën e Bajramit.
Tesheshi.com kontaktoi me zëdhënësin për media Erzen Vraniqi duke e pyetur nëse është organizuar për festën e Bajramit apo vetëm si festival ëmbëlsirash?
Ai u përgjigj: “Është nga të dyja. Duke qenë se kemi pas treg të fundviti, në kuadër të festës së Krishtlindjeve dhe të Vitit të Ri, kjo do të jetë për Bajram.” /tesheshi.com/
