Policia e Kosovës tha se zbuloi një sasi të madhe armësh në një shtëpi në Zveçan, në veri të Kosovës. Ministri i linjës Xhelal Sveçla tha
“Kjo shtëpi përdorej për grumbullimin dhe shpërndarjen e armëve për grupet kriminale serbe. Deri më tani është zbuluar një sasi e madhe e armëve, duke përfshirë automatikë, gëzhoja, granata dore dhe eksplozivë”.
Ministri kosovar theksoi se për dy dekada veriu i Kosovës jeton ilegalisht, në një rend jonormal, ku janë strehuar organizata kriminale dhe kriminelë të financuar nga Beogradi.
“Kontrabanda, hyrja ilegale e mallrave dhe armëve në Kosovë, krijoi një situatë shqetësuese për qytetarët tanë në veri, të cilët përballeshin me pushtetin e kriminelëve dhe jetonin nën shantazhe dhe presione të vazhdueshme. Në dy vitet e fundit ne si qeveri kemi zbuluar dhe bllokuar rrugët e paligjshme të kontrabandës”, tha Sveçla.
Ai tha se veriu “po shkon drejt normalitetit hap pas hapi”. /tesheshi.com/
