Atë që Prishtina ia kërkuar Lajçakut në lidhje me Asocacionin, ky i fundit nuk ia ka dhënë. I kërkonte modele zbatimi
E ka thënë këtë zëdhënësi i Qeverisë së Kosovës, Përparim Kryeziu.
“Lajçak ka ndarë me neve 15 modele evropiane mbi rregullimin e të drejtave të minoriteteve, jo të asociacioneve. Ne do të analizojmë veçoritë dhe karakteristika si dhe përshtatshmërinë e atyre modeleve”, tha ai.
Kryeziu vijoi më tej duke thënë se ekzekutivit nuk i është kërkuar të zgjedhë njërin nga modelet e ofruara.
“Nga ne nuk është kërkuar të zgjedhim një nga ato 15, por disa nga ato të cilat reflektojnë në frymë dhe shkronjë të drejtat e anëtarëve të pakicave sipas standardeve të Këshillit të Evropës, do të mund të shërbejnë si referencë apo orientim për një propozim për të drejtat e minoriteteve që mund të jetë i aplikueshëm, i pranueshëm për Kosovën dhe në përputhje me parimin e vënies në fokus të të drejtave të anëtarëve të një komuniteti. Gjithmonë duke qenë në respektimin të kushtetueshmërisë se vendit, pa kompetenca ekzekutive dhe një që nuk përbënë nivel të tretë të qeverisjes”, argumentoi Kryeziu.
Kujtojmë se Kosova ka dhënë “ok” në parim për planin europian në lidhje me raportet me Serbinë, ku si kusht zbatimi është dhe formimi i Bashkimit të Komunave Serbe. Por Kurti ka kërkuar detajim të formës së aplikimit të Asocacionit me qëllim ai ai të mos jetë një Republika Srpska që do i bëjë karshillëk shtetit të Kosovës. /tesheshi.com/
