Institucionet e Kosovës nuk e lejuan presidentin e Partisë Social Demokrate të Serbisë, Rasim Ljajic, të kalonte në pikën e kontrollit administrativ Jarinje gjatë rrugës për në Mitrovicë, ku do shkonte për të marrë pjesë në përkujtimin e përvjetorit të vrasjes së liderit të Nismës Qytetare “Liria, Demokracia, Drejtësia”, Oliver Ivanoviç, raportoi RTS.
Ljajiç u ndalua të hyjë në Kosovë me pretendimin se është ende i regjistruar në regjistrat e policisë si ministër i Serbisë.
Gjithsesi, RTS raportoi se në kontakt me Administratën e Policisë së Kosovës në Prishtinë, Ljajiç pret që të lejohet të arrijë në veriun e Mitrovicës.
Eshtë deklaruar se SDP e Serbisë do të informojë të gjitha organizatat relevante ndërkombëtare në lidhje me këtë incident, veçanërisht ato që merren me mbrojtjen e të drejtave të njeriut. /tesheshi.com/
