Kryetari i Komunës së Prishtinës, Shpend Ahmeti, i ka informuar qytetarët e kryeqytetit përmes një postimi në rrjetin elektronik Facebook për hapjen së shpejti të kinemasë multiplexit.
Ahmeti ka shpjeguar se është arritur marrëveshja mes një kompanie kosovare dhe Cineplex-it për hapjen e kinemasë- multiplexit, që është e para e këtij lloji në Kosovë.
“Një lajm i mirë për Prishtinën. Sapo më informuan se është arritur marrëveshja në mes të një kompanie kosovare dhe Cineplex-it për hapjen e kinemasë-multiplexit të parë në Kosovë në pranverën e vitit 2016. Prishtina bëhet pjesë e familjes së qyteteve me kinema me teknologjitë e fundit. Besoj se kompanitë do t’i bëjnë publike detajet e këtij investimi, dhe njëkohësisht ju uroj sukses në Prishtinë. Filmdashësve si puna ime ju uroj hapje sa më të shpejtë të kinemave,” ka shkruar Ahmeti i ngazëllyer. /tesheshi.com/
