Prishtinës i është shtuar edhe një treg. Për herë të parë të martën është hapur tregu i luleve në sheshin “Skënderbeu”, ku janë të vendosura gjashtë kioske me llojllojshmëri të luleve.
Kreu i Prishtinës, Shpend Ahmeti, hapjen e këtij tregu e ka vlerësuar si mjaft të rëndësishme, duke thënë se përmes këtij tregu duan t’i ofrojnë mundësi shitësve të luleve dhe në veçanti prodhuesve të luleve që të shesin në një prej shesheve më të frekuentuara të kryeqytetit.
Në anën tjetër kultivuesit e luleve konsiderojnë se ky është një hap i qëlluar nga komuna për shitjen e luleve.
Përfaqësuesja e biznesit familjar “Unique Flower”, Valmira Berisha tha se në këtë treg po prezantojnë rreth 40 lloje të luleve, ndërsa lulja më e kërkuar sipas saj është Orchidea.
Tregu i luleve do të jetë i hapur për çdo ditë me gjashtë shtëpiza dhe gjendet afër ndërtesës së qeverisë.
Projekti është realizuar në bashkëpunim me organizatën “Demos”. /tesheshi.com/
