Kryetari i PD-së, Lulzim Basha, ka reaguar në lidhje me deklaratat e kryeministrit Edi Rama nga Neë York-u, në një intervistë për Zërin e Amerikës, ku u shpreh se nuk do të ketë legalizime për shtëpitë që janë pa leje.
Sipas Bashës, kryeministri bezdiset kur e pyesin për hallet e vendit
Kreu demokrat thotë se Shkoza përfaqëson bandën politiko-kriminale që ka marrë peng Shqipërinë dhe të ardhmen tonë.
“Drama e 400 familjeve që po hidhen në rrugë, nuk përfaqëson asgjë, thotë Rama i bezdisur kur pyetet në Neë York për hallet e vendit. Shkoza përfaqëson mashtrimin e pafytyrë të Ramës që ju premtoi legalizim në fushatë, dhe pas zgjedhjeve u vë rruspën. Shkoza përfaqëson krim prej pushtuesi mbi mijëra fëmijë, prindër e të moshuar nën terror dhe dhunë fizike dhe psikologjike.
Shkoza përfaqëson bandën politiko-kriminale që ka marrë peng Shqipërinë dhe të ardhmen tonë. Shkoza përfaqëson pësimin që duhet bërë mësim se kush dhunon apo blen votën sot, të dhunon shtëpinë, fëmijët dhe jetën nesër”, tha Basha.
Deklarata e kreut demokrat erdhi pasi Rama në një intervistë për Zërin e Amerikës tha se Shkoza nuk përfaqëson asgjë dhe nuk meriton komente nga Nju Jork.
“Është një proçes si shumë të tjera ku ka qenë e domosdoshme që të shemben ndërtimet pa leje aty ku pengohet zhvillimi i infrastrukturës së përbashkët. Kush ka ndërtuar pa leje nuk mund të pretendojë që të përkëdhelet dhe dëmshpërblehet, por meriton të trajtohet me kujdes duke mos e lënë të pastrehë por duke i dhënë mundësinë e një qeraje të paguar nga komunitetit”, tha Rama. /tesheshi.com/
