Prishja e shtëpive në Himarë solli takimin e dytë mes strukturave shtetërore dhe banorëve.
Janë 22 objekte që preken në kuadër të projektit të rivitalizimit të qendrës së Himarës, ndërsa pjesa më e madhe e tyre i përkasin minoritetit grek.
Në dëgjesë marrin pjesë ministri i Energjisë, Damian Gjiknuri, ministrja e Kulturës, Mirela Kumbaro, kryetari i Bashkisë së Himarës, Jorgo Goro dhe nga Partia Bashkimi për të Drejtat e Njeriut, Fredi Bejleri dhe Vasil Bollano.
Dëgjesa po zhvillohet mes tensioneve dhe debateve pasi nuk është pranuar që të gjithë banorët të jenë pjesë e saj, por vetëm ata që preken nga ky projekt.
Ish-kryeministri Sali Berisha ka postuar një video nga takimi, ndërsa shkruan se banorët e Himarës janë ngritur në protestë, ndërsa shteti po ushtron terror ndaj tyre.
Në takimin e parë qeveria lajmëroi se banorët do të dëmshpërblehen sipas legjislacionit në fuqi, ndërsa përfaqësues të OMONIA-s dhe të PBDNJ-së kërkojnë që banorët të shpronësohen jo vetëm për objektin por edhe për tokën. /tesheshi.com/
