Kryeministri Edi Rama ka reaguar ndaj akuzave për prishjen e kullës së Prek Calit. Ditën e djeshme fadromat ndërhynë për prishjen e rrethimit të kullës, që po restaurohej me fonde të mbledhura nga shqiptarët e Amerikës.
Kjo solli reagimin e opozitës dhe deputetit Tom Doshi, që siç deklaron vetë është kushëri me Prek Calin. Akuzat e PD u drejtuan ndaj Ramës, ndërsa Doshi e konsideroi aktin të turpshëm.
Por Rama në një postim në rrjetet sociale i quan akuzat absurde.
“Unë prishësi i kullës së Prek Calit? Bosh se bosh u mbeti koka o të shkretë që veç shani për ç´ka sajoni vetë, s’ka derman për ju vajmedet”, shkruan Rama /tesheshi.com/
