Prindër ateistë dëshirojnë që të padisin një shkollë fillore ku mësojnë fëmijët e tyre, duke pretenduar se shfaqjet e atyshme teatrore të frymëzuara nga tregimet biblike dhe lutjet kolektive shkelin të drejtat e tyre të njeriut.
Lee Harris dhe gruaja e tij Lizanne janë në një proces gjyqësor ndaj një shkolle fillore në Burford, për të cilën ata pretendojnë se nuk është respektues i ligjit.
Pasi Trusti i Shkollave Dioqezane të Oksfordit (ODST) mori drejtimin e shkollës në vitin 2015, ata vunë në dukje se ka më shumë “aspekte të dëmshme të ungjillëzimit” në edukimin e fëmijëve.
Ky është rasti i parë i këtij lloji në Mbretërinë e Bashkuar, shkruan britanikja “The Telegraph”.
Prindërit pretendojnë se kjo shkel të drejtat e fëmijëve të tyre për të marrë arsim “pa ndikim fetar”.
ODST është organizata që ka marrë drejtimin e mbi 33 shkollave në Britani. Në uebfaqen e organizatës thuhet se ato janë “të motivuara nga vlerat e krishtera dhe duan t’i shërbejnë komuniteteve lokale, por nuk duan t’i imponojnë ato vlera”.
Ata argumentojnë se disa shkolla mbajnë çdo ditë lutje të përbashkëta për besimtarët e krishterë, por nuk ofrojnë një alternative të ngjashme për jo-të krishterët.
Sipas ligjit britanik, të gjitha shkollat dhe kishat u kërkohet të bëjnë “akte të përditshme lutjes kolektive”. /tesheshi.com/
