Princi saudit i Kurorës, Muhamed bin Selman, e quajti udhëheqësin suprem të Iranit si “Hitleri i ri i Lindjes së Mesme”.
Në një intervistë me New York Times të publikuar të enjten, Princi Salman, i cili është gjithashtu dhe ministër i Mbrojtjes, sugjeroi se është i domosdoshëm një ballafaqim kundër ekspanzionit të pretenduar të Republikës Islamike nën Ayatollah Ali Khamenei.
“Kemi mësuar nga Evropa se brutaliteti nuk funksionon. Nuk dëshirojmë që një Hitler i ri në Iran të përsërisë atë që ndodhi në Evropë edhe në Lindjen e Mesme”, citon gazeta të ketë thënë ai.
Kështu, ka avancuar më tej një përplasje verbale mes Mbretërirë saudite dhe Iranit, ndërkohë që dy vendet janë në një krizë marrëdhëniesh prej kohësh. Një vit e ca më parë, ambasada saudite në Teheran u sulmua një grupe protestuesish, gjë që acaroi raportet mes dy vendeve, të tensionuara shumë ditët e fundit. /tesheshi.com/
