Rritja e politikanëve populistë ka bërë një jehonë shumë shqetësuese, sinë ditët e errëta të vitit 1930″, ka thënë Princi i Uellsit, pasi paralajmëroi për rritje të persekutimit fetar në të gjithë botën.
Gjatë një paraqitjeje në Radio 4, princi foli për qëndrimet gjithnjë e më agresive ndaj refugjatëve që kanë ikur nga zonat e konfliktit në Lindje e Mesme, dhe kërkoi nga dëgjuesit që të kujtojnë kohën kur Jezusi ishte detyruar një kohë t’i ikë persekutimit fetar.
Ndihmësit e princit theksuan se adresimi me fjalët e tij të fuqimishme, nuk kishte për shënjestër ndonjë politikan ose grup të veçantë.
Megjithatë, ndërhyrja e tij vjen pasi Donald Trump, presidenti i sapozgjedhur amerikan, bëri thirrje për ndalimin e emigracionit nga vendet muslimane, ndërsa policia ka shënuar kulmin e numrit të krimeve të urrejtjes fetare dhe racore pas votimit për Brexit.
Ai tha se vuajtjet e emigrantëve nuk përfundojnë me dhunën dhe persekutimin e tyre në vendet nga vijnë, duke shtuar se: “Vuajtja nuk përfundon kur ata arrijnë në një vend të huaj për të kërkuar strehim. Ne tani jemi duke parë rritjen e shumë grupeve populiste nëpër botë që janë gjithnjë e më agresive ndaj atyre që i përmbahen një besimi të pakicave.”
“E gjithë kjo, ka jehonë një shumë shqetësuese që nga ditët e errëta të vitit 1930. Unë kam lindur në vitin 1948 menjëherë pas përfundimit të Luftës së Dytë Botërore, në të cilën kohë dy gjeneratat e prindërve të mi luftuan dhe vdiqën në një betejë kundër intolerancës së ekstremizmit monstruoz pas një përpjekjeje ç’njerëzore për të shfarosur popullsinë çifute të Evropës.
“Të shohim një persekutim të tillë gati 70 vjet më vonë, për mua është përtej çdo logjike. Ne u kemi borxh atyre që vuajtën dhe vdiqën në mënyrë aq të tmerrshme, që të mos lejojmë përsëritjen e tmerreve të së kaluarës”.
Në një apel për muslimanët dhe të krishterët, princi foli se si Jezusi ashtu edhe profeti Muhamed ishin të detyruar të largohen nga shtëpitë e tyre për shkak të persekutimit fetar.
“Kujtoni kohën kur profeti Muhamed emigroi nga Meka në Medinë. Ai e bëri këtë, sepse edhe ai po kërkonte lirinë për veten dhe për pasuesit e tij për të adhuruar Zotin.
“Cilëndo rrugë fetare që e ndjekim, destinacioni është i njëjtë: të vlerësojmë dhe respektojmë personin tjetër”, u shpreh princi Charles për Radio 4. /tesheshi.com/
