Princesha Haya, gruaja e sundimtarit të Dubait Sheikh Mohammed bin Rashid al-Maktoum, ka bërë kërkesë në Britani të Madhe për “urdhër të mbrojtjes nga martesa e detyrueshme”, bëjnë me dije buritmet brenda një gjykate britanike.
Princesha Haya bint al-Huseini, vajza 45-vjeçare e mbretit të ndjerë Husein të Jordanisë dhe gjysmë motra e mbretit Abdullah, gjithashtu aplikoi për kujdestarinë e fëmijëve.
Për javë të tëra, raportet në media kanë sugjeruar se Haya fshihej në kryeqytetin britanik pasi kishte arritur të arratisej nga bashkëshorti i saj miliarder. Ajo dyshohet se mori dy fëmijët e saj me vete kur u largua nga Dubai.
Arsyet e ikjes së Princeshës Haya nuk dihen, ndonëse aludimet janë të shumta.
Nëse gjykata miraton një mbrojtje siç është kërkuar, kjo do t’i siguronte asaj vendqëndrim të sigurt në Britani të Madhe dhe mbrojtje nga ekstradimi.
Qeveria e Emiratet e Bashkuara Arabe dhe ambasada e saj në Londër nuk iu përgjigjën këtyre njoftimeve. /tesheshi.com/
