At Manuel Musallam, një prift i njohur palestinez, kryetar i Komitetit Botëror të Popullit për Drejtësi dhe Paqe në Jeruzalem, si dhe një humanist i mirënjohur, i dërgoi një mesazh prekës dhe të fortë Emirateve në emër të palestinezëve, pasi Abu Dhabi arriti një marrëveshje për normalizimin e marrëdhënieve me Izraelin.
Duke iu drejtuar sundimtarëve të Emirateve, At Manuel tha: “Vëllezër të dashur, ju keni arritur një marrëveshje për normalizimin e marrëdhënieve dhe paqen e plotë me okupatorin sionist të Palestinës. Por nëse Kur’ani i Shenjtë nuk mund t’ju bindte që të bëni besëlidhje dhe të normalizoni marrëdhëniet me hebrenjtë për të cilët Zoti thotë: ‘Me siguri do të zbuloni se armiqtë më të këqij të besimtarëve janë çifutët dhe politeistët …’, atëherë, kush do t’ju bindë?”.
Unë jam vëllai juaj, Jerusalem. Unë po qaj për shkak të sjelljes suaj…. Në këtë konflikt të vazhdueshëm në Lindjen e Mesme, pse nuk jeni përmbajtur dhe pse nuk ju intereson populli juaj dhe palestinezët në vend të izraelitëve, për sa i përket zhvillimit, ndërtimit, ekonomisë, punës dhe shkencës ?!
Amerika ju bëri një bazë për ushtritë e saj dhe ushtrinë e Izraelit. Duke bërë kështu, ju e keni bërë veten skenë lufte dhe keni ndjellë shkatërrimin e vetes dhe popullit tuaj, në vend që të përfaqësoni një oaz paqeje dhe prosperiteti për të gjithë Gjirin Arabik.
Ju keni sjellë luftë në Gji….Pse e sollët atë ndyrësi shkatërruese izraelite dhe turpin në vendin tuaj për të qenë viktimë e kolonizimit të fëmijëve tuaj, vajit, ujërave tuaja, fushave dhe maleve?
Unë jam Jerusalemi, dhe sot shoh që ju keni nevojë për një sundim të ri islam, sepse keni tradhëtuar popullin tuaj, e keni dorëzuar te sionistët. Dhe ku ke tradhëtuar?! Në Jerusalem, në Kuds, në vendin e shenjtë të Isra’a-s dhe Mi’razh-it.
Me këtë hap, ju u distancuat nga pjesëmarrja në çlirimin e Jerusalemit dhe të gjithë Palestinës, dhe ju e humbët nderin e luftimeve përkrah nesh. Përkundrazi, ju u përkulët, u turpëruat dhe poshtëruat për Izraelin … Zoti ju faltë!
Ne nuk kemi asgjë për ju përveç një qortimi të trishtuar, por përkundër kësaj, ne palestinezët ju premtojmë se do të pranojmë bijtë tuaj liridashës që do hedhin poshtë këtë gabim moral dhe të pabesë, dhe i sigurojmë ata se ata kanë një vend me ne.
Ne do t’i çlirojmë ata nga kafazi izraelit që ju i keni shtyrë, kështu që ata do të kthehen me formacionet ushtarake arabo-palestineze duke kënduar një këngë çlirimi dhe duke oshëtirë: ‘Ne jemi bijtë e Kudsit, ne jemi ushtria që do të vijë në Kuds’”.
At Manuel Musallam është i njohur për rezistencën e tij të fortë ndaj okupimit izraelit dhe kundërshtimit të sundimit aionist. Ai është gjithashtu i njohur për kërkesat e tij të përsëritura shpesh për t’i dhënë fund ndarjes së Palestinës dhe që palestinezët të shtrëngojnë radhët para okupimit izraelit. Ai do të mbahet mend veçanërisht për frazën historike: “Nëse sionistët shkatërrojnë xhamitë tuaja, mësoni thirrjen për lutje nga kishat tona”, të cilën ai tha gjatë agresionit izraelit në Rripin e Gazës në 2014. /tesheshi.com/
