Edhe gjatë epokës socialiste në Çekosllovaki, Skoda u dallua nga konkurrentët e saj “prapa Perdes së Hekurt” me modelet që ofronte.
Një provë e kësaj është Skoda 110 R, një version coupe i serisë 100/110, një model që u shfaq për herë të parë në panairin tregtar në Brno 50 vjet më parë.
Zhvillimi i Skoda 110 R, i quajtur “Erko” në Çekosllovaki, filloi në 1966.
Prototipi i dytë u kompletua në mars 1969.
Për premierën botërore të 110 R, Skoda ftoi gazetarë të zgjedhur në konviktin e shkollës së vet profesionale në Mlada Boleslava. Pas konferencës për shtyp, të ftuarve iu dha mundësia të provonin modelin e ti në aeroportin e afërt të Hoskovicas.
Publiku për herë të parë pa Skoda 110 R në Panairin e Makinerive në Brno më 5 shtator 1970, kur tre kopje ishin në shfaqje. Baza për suksesin ndërkombëtar ishin paraqitjet në panaire në Paris, Londër dhe Torino deri në fund të vitit.
Kërkesa për 110 R u rrit ndjeshëm, por rritja e prodhimit nga Skoda krijoi probleme për shkak të kornizës së atëhershme politike. Deri në fund të vitit 1970, vetëm 121 automjete ishin larguar nga linja dhe vetëm në tremujorin e dytë të vitit 1971 kopjet e para mund të dorëzoheshin te klientët e huaj.
Si rezultat, prodhuesi çek i makinave u përqendrua kryesisht në eksporte: Nga rreth 3,000 automjete të prodhuara në 1971, vetëm 442 erdhën në sallonet e tregtisë së atëhershme Mototechn të Çekosllovakisë.
Çmimi fillestar i Skoda 110 R ishte 78,000 korona, që në atë kohë korrespondonte me rreth 40 paga mujore në Çekosllovaki.
Skoda 110 R ishte 4.16 metra e gjatë, 1.62 metra e gjerë, 1.34 metra e lartë. Mundësohej nga një katër cilindër në rresht, i vendosur në pjesën e pasme, i pajisur me një ftohës vaji, me një raport shtypjeje 9.5: 1 dhe një karburator binjak.
Nga një vëllim prej 1107 cc, motori zhvilloi 52 kf në 4650 rpm, i cili kombinuar me një peshë të lehtë prej vetëm 880 kilogramë, mundësoi një përvojë shumë dinamike të vozitjes. Skoda 110 R u mbiquajt “Porsche 911 socialist” për shkak të një koncepti të ngjashëm teknik.
Ajo arriti një shpejtësi maksimale prej 145 km / orë në gomat radiale të saj 165 SR-14 dhe u deshën 19 sekonda për të kapur 0-100 km / orë.
Me 57 përqind të peshës së automjetit në rrotat e pasme, ajo kishte tërheqje të jashtëzakonshme. Konsumi mesatar ishte 8.5 litra për 100 kilometra, ndërsa vëllimi i rezervuarit të karburantit, i vendosur në pjesën e përparme, ishte 32 litra.
Nga 1970 në 1980, Coupe Skoda pati i një numër ndryshimesh të vogla që siguruan konkurrencën e modelit. Kështu, që nga janari 1973, katër fenerë kanë zbukuruar “fytyrën” e automjetit, sediljeve të përparme u janë dhënë mbështetëse për kokën dhe rrotat 14 inç janë zëvendësuar me ato 13 inç.
Me modelin e saj kompakt sportive, Skoda arritimi sukses të konsiderueshëm në shitje edhe në tregjet e eksportit. Në vitin 1973, gati 93 përqind e afërsisht 6,000 modeleve të prodhuara u dërguan jashtë asaj që ishte në atë kohë Çekosllovaki. /tesheshi.com/
