Kristian Panuçi ka marrë zyrtarisht detyrën e trajnerit të Kombëtares shqiptare të futbollit, duke zëvëndësuar kështu bashkëkombasin e tij që bëri historinë, Xhani de Biasi.
Dhe, duke qenë se nuk ka ndonjë përvojë për t’u veçuar si trajner, kreu i FSHF-së, Armando Duka u detyruar të përqëndrohet tek karriera e tij si ftubollist.
“Një nga emrat më të mëdhenj të futbollit botëror, një emër i rëndësishëm i futbollit italian, me përvojë në fushën e lojës, por ndoshta modeste në trajnim. Jam i sigurtë që kemi bërë zgjedhjen më të mirë me të gjitha karakteristikat që ka trajneri i ri. Jam i bindur se me stafin e tij dhe të gjithë ne do të bëjmë të mundur që të jemi pjesë e Euro 2020″, tha Duka.
Nga ana e tij, Panuçi tha se dhe ai besonte që në 2020-ën do ishin sërish në Europian.
“Jam i bindur që kemi një skuadër shumë të mirë. Kemi katër ndeshje të rëndësishme përpara për eleminatoret e botërorit, edhe pse është thuajse e pamundur kualifikimi, por që do të na shërbejë për t’u përgatitur për Europianin e 2020. Mezi pres që të filloj nga puna dhe të përpiqem t’u jap kënaqësi njerëzve të këtij vendi. Objektivi i vetëm dhe unik është 2020, i vetmi objektiv i rëndësishëm për ne dhe grupin e mundësitë për t’ja dalë mbanë i kemi”, tha trajneri i ri kuqezi.
“De Biasi bëri historinë me Shqipërinë dhe unë do të përpiqem që të bëj një tjetër histori me këtë skuadër. Është e vështirë, por jam i bindur se do t’ja dalim mbanë. Grupi që ndërtoi De Biasi ngriti nivelin e futbollit shqiptar”, shtoi më tej ish-milanisti e romanisti bashkë. /tesheshi.com/
