Një nëndetëse e re e Marinës Mbretërore të Britanisë është emëruar zyrtarisht sipas mbretit të lashtë grek Agamemnon.
Ceremonia e emërtimit për anijen e klasit Astute u zhvillua të hënën në kantierin e ndërtimit të nëndetëseve të BAE Systems në Barrow-in-Furness, Cumbria. Është e gjashta nga shtatë nëndetëset sulmuese të ndërtuara atje dhe pritet të jetë gati për shërbim më vonë këtë vit.
The @RoyalNavy sixth Astute Class attack submarine has been formally named.
Agamemnon was named in a traditional ceremony at @BAESystemsMaritime shipyard in Barrow-In-Furness. pic.twitter.com/C7Os37s2v5— Submarine Delivery Agency (@SDA_mod) April 22, 2024
Në mitologjinë greke, Agamemnoni sakrifikoi vajzën e tij për të siguruar erëra të favorshme gjatë Luftës së Trojës, vëren media britanike. Sekretari i Prokurimit të Mbrojtjes, James Cartlidge, tha se HMS
Agamemnon do të luante një “rol jetik në mbrojtjen e vendit”. Me një gjatësi prej 97 metrash dhe një kosto prej 1.6 miliardë eurosh, anija me energji bërthamore pritet të hyjë në ujë para fundit të vitit 2024.
Steve Timms, drejtori menaxhues i BAE Systems për nëndetëset, tha: “Ne jemi plotësisht të përqendruar në përfundimin e pjesës tjetër të programit, në mënyrë që Agamemnon të mund t’i bashkohet nëndetëseve të saj motra në shërbim me Marinën Mbretërore”.
Reaktori bërthamor i Agamemnonit, i prodhuar nga Rolls-Royce, nuk do të ketë nevojë për karburant gjatë shërbimit 25-vjeçar të saj. Meqenëse nëndetësja mund të pastrojë ujin dhe ajrin, ajo do të jetë në gjendje të qarkojë planetin pa dalë në sipërfaqe. Kufizimi kryesor është se nëndetësja do të jetë në gjendje të mbajë vetëm tre muaj ushqim për 98 ushtarakë të regjistruar. Shpejtësia maksimale që mund të zhvillojë është 56 km/h ose 35 milje.
The Royal Navy’s latest Astute Class submarine has been officially named at BAE Systems’ Submarines site in Barrow-in-Furness, Cumbria. Agamemnon – named after the ancient Greek king – is the sixth of seven Astute submarines being built by the Company. Here's the video. pic.twitter.com/SjuUrhgmhG
— UK Defence Journal (@UKDefJournal) April 22, 2024
Agamemnon do të ketë deri në 38 armë në gjashtë tuba silurësh 533 mm. Nëndetësja do të jetë në gjendje të përdorë raketa sulmi tokësore Tomahawk Block IV me një rreze veprimi prej 1600 kilometrash dhe silurët Spearfish. /tesheshi.com/
