Pretendohet se trajneri serb Dragan Stojkoviç ka sharë shqiptarët me nënë pasi ekipi i tij kaloi në avantazh në përballjen me Zvicrën.
Sipas disa mediave rajonale, momenti i turpshëm ka ndodhur pas golit të dytë të Serbisë në minutën e 35-të të lojës, ku thuhet se Stojkoviç shau rëndë shqiptarët. Kjo pasi Zvicra identifikohet ndryshe dhe si ekip shqiptarësh, prej rolit përcaktues të tyre në fushë. Mbrëmë, Xhaka ishte motori i Zvicrës, ndërsa Shaqiri startoi fitoren me një gol prej tij.
Për atë që pretendohet, pra që Stojkoviç të ketë sharë shqiptarët nga nëna, ish-ministrja e Punëve të Jashtme, Meliza Haradinaj, shkruan se “Racizmi i Stojkoviçit të Serbisë u kap drejtpërdrejt në kamera duke sharë nënat kosovare dhe shqiptare. Jemi në pritje që FIFA të veprojë për këtë akt të turpshëm”. /tesheshi.com/
