Administrata e Donald Trump planifikon të shesë armë me vlerë gjysmë miliard dollarë në Arabinë Saudite përpara se presidenti aktual i Shteteve të Bashkuara të largohet nga Shtëpia e Bardhë, raportuan mediat amerikane dhe kjo lëvizje kritikohet nga ekspertët si një “turp moral”.
Duke cituar dy burime të njohura me këtë temë, Bloomberg tha se Departamenti i Shtetit i tha Kongresit të martën se procedura për lëshimin e një licence për të shitur raketa të drejtuara me precizion ajër-tokë në Riad, me vlerë 478 milion dollarë, po vazhdonte.
Prodhuesi amerikan i armëve Raytheon Technologies Corp do të jetë në gjendje t’u shesë armë sauditëve sapo të marrë një leje, sipas Bloomberg.
Washington Post gjithashtu njoftoi se armët do t’i dorëzohen Mbretërisë së Gjirit në përputhje me një marrëveshje që ka qenë në përgatitje që nga fillimi i 2019. Marrëveshja përfshin gjithashtu 97 milion dollarë në sisteme të brendshme të komunikimit të sigurisë.
Lajmi për shitjen e armëve ka ndodhur javët e fundit të Trump si president.
Lideri Republikan është i njohur për qëndrimet e tij pro-saudite dhe marrëdhëniet e mira me udhëheqësin de facto të shtetit, Princin e Kurorës Mohammed bin Salman.
Trump personalisht ka mbrojtur MBS nga kritikat për shkeljet e të drejtave të njeriut në Arabinë Saudite, vrasjen e gazetarit Jamal Khashoggi dhe luftën në Jemen, ndër të tjera. /tesheshi.com/
