Qindra mercenarë sirianë të aktivizuar nga Turqia janë vendosur në zonën e konfliktit Nago-Karabak, pretendon Wall Street Journal (WSJ), duke cituar burime të përfshira në dërgimin e luftëtarëve sirianë.
Një raport i Wall Street Journal thotë se “qindra mercenarë nga fraksionet e armatosura siriane pranë Turqisë janë bashkuar në luftimet midis Azerbajxhanit dhe Armenisë”, dhe se qindra të tjerë po përgatiten të shkojnë në vijën e frontit në Nago-Karabak.
Bazuar në informacionin nga një burim në lidhje me fraksionet e armatosura siriane të mbështetur nga Ankaraja, ata deklarojnë se rreth 200 luftëtarë sirianë janë vrarë deri më tani, kështu që shumë po përpiqen të kthehen në Siri.
I njëjti burim deklaron se mercenarët sirianë bien dakord të përfshihen në beteja për një tarifë prej rreth 2,000 dollarë, por që numri i viktimave midis tyre po rritet.
Duke cituar informacion nga Departamenti i Mbrojtjes i SHBA, WSJ pretendon se Turqia deri më tani ka dërguar afër 5,000 mercenarë nga Siria dhe Libia.
Por Ankaraja ka mohuar akuzat se po dërgonte mercenarë në Karabak. /tesheshi.com/
