Drejtorja e Institutit Shtetëror të Illionis për Shëndetin Publik, Ngoki Ezike tha në një konferencë për media se ka pasur një rritje të konsiderueshme të rasteve të helmimit në dy ditët e fundit.
Kjo, nga ana tjetër, përkon me këshillat e Presidentit Trump për injektimin e dezinfektuesve për të parandaluar koronavirusin.
Ajo tha se helmimi u raportua nga njerëz që përpiqeshin të lanin sinuset e tyre me dezifektantë,apo se një person futi në gojë një përzierje të zbardhuesit dhe shpëlarësit të gojës për të vrarë virusin.
“Injektimi, tretja dhe thithja e pastruesve është e rrezikshme. Ne nuk e këshillojmë këtë, mund të jetë vdekjeprurëse”, tha Dr. Ezike.
Kujtojmë se presidenti amerikan tronditi komunitetin mjekësor me komentet e fundit në lidhje me ilaçin për koronavirus. Dy ditë më parë, ai sugjeroi që injektimi i një dezinfektuesi të tillë si alkooli izopropil në trup mund të vriste koronavirusin, apo që pacientit t’u nënshtrohej rrezeveultraviolet, diçka që vetë “mjeku i tij” e kundërshtoi, plus i gjithë komuniteti i bluzave të bardha .
Të nesërmen, Trump pretendoi se e kishte thënë me shaka. /tesheshi.com/
