Të gjithë izraelitët mbi moshën 16 vjeç do të kenë akses në vaksinën e koronavirusit deri në fund të marsit, tha kryeministri Benjamin Netanyahu.
Ai tha se zgjerimi i programit të vaksinimit do të jetë i mundur falë mbërritjes së vaksinës Pfizer të dielën, dhe shtoi se me këtë plan, Izraeli do të jetë vendi i parë në botë që do t’i japë fund pandemisë.
Eshtë rënë dakord që Pfizer në Izrael do të jetë në gjendje të mbledhë të dhëna se si funksionon vaksina që u zhvillua me laboratorin gjerman BioNTech.
Netanyahu po përballet me zgjedhje të vështira në fund të marsit, të katërtat në dy vjet.
Sipas të dhënave të fundit, Izraeli ka vaksinuar më shumë se 14 përqind të popullsisë, më e larta në botë. /tesheshi.com/
