Dialogu ndërmjet Kosovës dhe Serbisë pritet të rifillojë pak muaj pas krijimit të qeverisë së re në Kosovë.
Sipas ministri i Jashtëm serb Ivica Daçiç, dhjetori pritet të jetë muaji i rinisjes së bisedimeve “intensive” mes dy vendeve.
Tashmë dihet që rinisja e bisedimeve është insistim i SHBA-ve dhe Gjermanisë, ku gati janë në një garë me njëra-tjetrën për rolin e tyre në rregullimin përfundimtar të raporteve mes dy vendeve.
Emisari i caktuar nga SHBA-ja, Mattheë Palmer ka deklaruar se dialogu për normalizim të raporteve ndërmjet Kosovës dhe Serbisë do të jetë pikë kryesore e mandatit të tij.
Në Forumin e Bledit që mbajt ë Slloveni, Daçiç nuk ka fshehur dëshirën për “presion më të madh” nga SHBA-ja drejt Prishtinës për ta hequr taksën dhe për të krijuar kushte për vazhdimin e dialogut.
Siç është raportuar në mediat gjermane, është pikërisht Sekretari amerikan i Shtetit, Mike Pompeo, ai që ka bërë presion qeverisë serbe që të njohë pavarësinë e Republikës së Kosovës. Ndërkohë është thënë që SHBA-ja është duke kërkuar që të gjendet një zgjidhje deri në verën e vitit 2020. /tesheshi.com/
