Mali i Zi do të jetë nikoqir i Kosovës gjatë mbrëmjes së sotme në kuadër të kualifikimeve për kampionatin evropian të vitit 2020.
Malazezët do të mirëpresin Dardanët në stadiumin e qytetit të Podgoricës me fillim në ora 20:45.
Tashmë është e ditur se në kombëtaren malazeze luajnë disa lojtarë që me shtetësi të Malit të Zi, por kanë kombësi serbe dhe kanë lindur në Serbi.
Kjo ka bërë që ndaj tyre të ushtrohet presion nga mediat serbe. Futbollistët e kombëtares si Mirko Ivaniç, Filip Stojkoviç, Adam Marusiç, Marko Simiç dhe Vukan Saviçeviç po përballen me thirrje nacionaliste serbe ndër të tjerash.
“Nëse jeni serbë, mos luani me Kosovën”, ishte titulli gazetës beogradase “Informer”, e cila është e afërt me presidentin Aleksandar Vuçiç. “Një serb i vërtetë nuk luan kundër Kosovës”, thuhet në artikujt e publikuar në mediat e tjera serbe.
Por futbollistët në fjalë po përballen edhe me presionin e tifozëve, të cilët po u kërkojnë që të mos paraqiten në ndeshjen e tyre me Dardanët.
Ndryshe, Kosova zë pozitën e tretë të renditjes tabelore të grupit A me një pikë, po aq sa ka edhe Mali i Zi i që gjendet në vendin e katërt për arsye se ka një ndeshje më shumë. /tesheshi.com/
