Presidentja kroate Kolinda Grabar-Kitaroviç, e njohur dhe për deklaratat e saj të shpenguara, ka komentuar jetën në Jugosllavinë e Titos, duke vlerësuar stilin udhëheqës të ish-liderit socialist, i cili arriti të ndërtonte një mini-Europë ekonomike në kampin lindor, i vetmi vend ku njerëzit lëviznin lirisht drejt Perëndimit.
Dhe ajo potencoi pikërisht këtë fakt gjatë një interviste televizive, pra mundësinë e udhëtimit për shtetasit jugosllavë në pjesë të tjera të botës.
Ajo tha se me pasaportën e Jugosllavisë mund të shkohej deri në SHBA, ndonëse ajo nuk e pati atë fat, por babai i saj po.
“Nuk mund të ndodhte rastësisht. Joseph Broz Tito ishte një njeri shumë inteligjent dhe kur pa që Jugosllavia po shkonte në kolaps ekonomik, gjë që mund të çonte në një rebelim të njerëzve, atëherë filloi nisi të ndryshonte”, tha Grabar-Kitaroviç.
Gjatë vizitës së saj të fundit në Shtetet e Bashkuara, ajo ndër të tjera theksoi ajo lindi në anën e gabuar të Perdes së Hekurt.
Kjo deklaratë dhe mendim për jetën në shtetin e mëparshëm jugosllav, provokuan shumë reagime në Kroaci dhe vendet e tjera të rajonit. /tesheshi.com/
