Një ditë pasi kryeparlementari shqiptar, Ilir Meta, tha se do jetë presidentja Jahjaga ajo që do udhëheqë bisedimet për zgjidhjen e krizës, ka qenë vetëm kryeministri Isa Mustafa që ka begenisur ta takojë.
“Po, ne me presidenten kemi kontakte të rregullta për të gjitha çështjet. Tani biseduam edhe lidhur me iniciativën e presidentes e cila ka qenë edhe më parë për të gjetur rrugëzgjidhje për të dalë prej kësaj situate. Ne përkrahim çdo iniciativë që merr presidentja”, tha Mustafa.
Sakaq, gjatë ditës Jahjaga ka pritur në takim edhe liderët e opozitës, të cilët ia kanë dorëzuar në mënyrë të shkruar kërkesat e tyre, që ishin anulimi i marrëveshjeve dhe lirimi i të gjithë deputetëve dhe aktivistëve të opozitës.
Pra, deri më tani, ka dalë vetëm gjysma e asaj çka premtoi Ilir Meta, i cili ndërmorri një rol negociator në Prishtinë për zgjidhjen e krizës. /tesheshi.com/
