Presidenti i Republikës, Bujar Nishani, ka mbyllur sherrin me qeverinë dhe ka dekretuar Arben Ahmetajn si ministër i Financave dhe Milva Ikonomin si ministre e Zhvillimit Ekonomik dhe Sipërmarrjes.
Kreu i shtetit ka dekretuar dy ministrat e propozuar nga kryeministri Rama 24 orë përpara se t’i mbaronte afati ligjor, duke “djegur’ kështu kartat e mazhorancës që në një fushatë publike linçoi presidentin por edhe propozoi shkarkimin e tij.
Gjithsesi, siç mësohet nga burime të sigurta të tesheshi.com, firmosja e sotme e Nishanit ka ardhur pas një takimi me një pjesëtar të rëndësishëm të komunitetit ndërkombëtar në Tiranë.
Gjestin e këtyre ditëve të Nishanit, një pjesë e analistëve politikë e konsideruan si një gjest inatçor të tij karshi Ramës dhe mazhorancës në përgjithësi, pas një fushate shpotitëse pas vendimi të paprecedent protokollar për ta takuar Sekretarin Kerry tek shkallën e avionit. /tesheshi.com/
