Autoritetet sudaneze kanë njoftuar ekstradimin e presidentit të rrëzuar të vendit, Omer al-Bashir dhe bashkëpunëtorëve të tij, të cilët janë akuzuar për krime lufte, në Gjykatën Penale Ndërkombëtare (ICC).
“Qeveria ka vendosur të dorëzojë Al-Bashir dhe kriminelë të tjerë në ICC pas miratimit të procedurave në atë gjykatë,” tha Ministri i Administratës Publike Buthaina Dinar.
Ajo gjithashtu tha se ekstradimi i Al-Bashir në gjykatën në Hagë do të kryhet pas përfundimit të gjyqit mbi korrupsionin dhe krimet e tjera të akuzuara në gjykatat në Sudan.
Gjykata e Hagës ka paditur Al-Bashir dhe tre bashkëpunëtorë të tij të ngushtë, duke i akuzuar ata për krime lufte, gjenocid dhe krime kundër njerëzimit në Sudan. /tesheshi.com/
