Petro Poroshenko, presidenti i Ukrainës, ka deklaruar se një numër rekord i forcave ruse janë dislokuar përgjatë kufirit me vendin e tij.
“Ky shërbim nuk është vetëm nga shërbimet tona të inteligjencës. Ne kemi marrë gjithashtu konfirmim nga NATO-ja, nga SHBA-të dhe BE-ja,” u shpreh presidenti.
Më pasi ai vuri në dukje se 64.000 trupa ukrainase po shërbenin tashmë në atë çka quhet zona e Operacionit Antiterrorist, në lindje të Ukrainës, e theksoi se një fuqi e tillë ushtarake e stërvitur dhe me moral të lartë ishte në gjendje t’i bënte ballë çdo sulmi në mbrojtje të vendit.
Sipas tij, marrëveshja e armëpushimit e 12 shkurtit në Minsk, mbështetja ndërkombëtare për Ukrainën, si dhe sanksionet e vazhdueshme kundër Rusisë, kishin dhënë rezultate, dhe kriza në rajonin e Donbasit mund të zgjidhej vetëm nëpërmjet asaj marrëveshjeje.
Marrëveshja e Minskut, e nënshkruar mes Ukrainës dhe separatistëve prorusë, përfshin tërheqjen e armatimit të rëndë nga zonat e luftimeve, si dhe të tëra formacioneve të armatosura të huaja, lirimin e pengjeve dhe të personave të ndaluar në mënyrë të paligjshme, e po ashtu reforma politike dhe decentralizim në rajonet lindore ukrainase.
Megjithëkëtë, marrëveshja nuk është zbatuar asnjëherë plotësisht, ndërsa palët e kanë shkelur hera-herës atë. /tesheshi.com/
