Pas rrëzimit të murit dhe ditë më parë ndaljes së trenit, ku meritat ia atribuoi vetës, presidenti Hashim Thaçi, është reklasuar paksa ku sot qëndroi në qendrën turistike në Brezovicë për të bërë ski.
Presidenti me këtë rast ka lavdëruar këtë qendër skijimi, por nuk ka treguar kush menaxhon atë, shitjen e të cilës e konteston Serbia.
Thaçi ka treguar edhe motivin pse ka shkuar për ski në Brezovicë:
“Pasi që nënshkrova Ligjin për Investime Strategjike, vizitova Brezovicën, margaritarin e Ballkanit. Kalova ditë të bukur në skijim dhe pata takim pune me stafin e Qendrës së Skijimit. Jam i përkushtuar që bashkërisht të punojmë, të sjellim investime dhe Qendrën e Skijimit ta bëjmë atraktive për këtë pjesë të Evropës”, ka shkruar Thaçi.
E pranoi apo jo presidenti Thaçi, Brezovica është njëra nga asetet ku Serbia e shpërfaq në vazhdimësi ndikimin dhe fuqinë në Kosovë.
Ndryshe, kompleksi turistik, Brezovica, ndodhet në pjesën veriperëndimore të maleve të Sharrit në komunën e Shtërpcës, komunë kjo e banuar me shumicë serbe. Brezovica është qendër e njohur turistike që gjendet në lartësi mbidetare prej 900 deri në 2522 metra, me një hapësirë prej 2500 hektarësh. /tesheshi.com/
