Presidenti Thaçi ka pajisur me pasaporte diplomatike atë që konsiderohet si ambasadorja më e vyer e Kosovës në botë, xhudistja Majlinda Kelmendi.
“Në mënyrë solemne, sot kam ndarë pasaportën diplomatike për xhudisten e artë, Majlinda Kelmendi, për trajnerin Driton Kuka dhe kryetarin e Federatës së Xhudos, Agron Kuka. Majlinda është ambasadorja më e çmuar e vendit tonë dhe personifikon suksesin e Republikës së Kosovës në botë”, ka shkruar Thaçi.
Majlindja Kelmendi është kampione olimpike dhe e para sportiste kosovare post-Pavarësisë, e cila ka ngritur flamurin e shtetit të Kosovës në shumë aktivitete ndërkombëtare, me medaljet e fituara. Ndaj dhe me të drejtë konsiderohet një ambasadore e vërtetë e Kosovës. /tesheshi.com/
