Dita e diel shënon inaugurimin e Emmanuel Macron-it si president i Francës vetëm një javë pasi ai u shpall fitues në balotazhin e zgjedhjeve presidenciale.
Në respekt dhe të një tradite, Macron do të fluturojë të hënën për në Berlin, në të parin udhëtim të tij jashtë vendit si presidenti i ri Francës.
Macron do të ketë bisedime me kancelaren gjermane Angela Merkel, në kërkim të një bashkëpunimi më të ngushtë midis dy vendeve.
Siguria, ekonomia dhe investimet janë fushat ku kërkohet të punohet së bashku, sipas asaj çka një ndihmës i Macron-it i ka deklaruar agjencisë së lajmeve Reuters një ditë më parë.
Merkel do ta mirëpriste fitoren e Macron-it një zgjedhjet presidenciale, duke u shprehur se ai mbartte “shpresat e miliona francezëve dhe të shumë të tjerëve në Gjermani e në Europë”.
Në planin e brendshëm, presidenti i ri do duhet të emërojë kryeministrin, emri i të cilit ende nuk është i ditur, e për të cilin ka shumë sugjerime për politikanë të qendrës apo të së djathtës. /tesheshi.com/
