Ish-Presidenti i Afrikës së Jugut Jacob Zuma, i cili kohët e fundit u dënua me 15 muaj burg për shpërfillje të gjykatës, shkoi vetë në burg të mërkurën në mbrëmje për të vuajtur dënimin e tij, tha fondacioni që e përfaqësonte atë.
“Presidenti Zuma ka vendosur të respektojë urdhrin e burgut,” tha fondacioni, duke shtuar se ai do vuajë dënimin e tij në provincën KëaZulu-Natal, ku ai jeton aktualisht, njoftoi AFP.
Më 29 qershor, Gjykata Kushtetuese e Republikës së Afrikës së Jugut dënoi Zuma-n me 15 muaj burg për përbuzje të gjykatës, pasi ai refuzoi t’u përgjigjej pyetjeve nga komisioni anti-korrupsion gjatë mandatit të tij.
Dënimi i parë me burg për presidentin
Eshtë hera e parë në historinë e Afrikës së Jugut që një ish-president dënohet me burg.
Zuma më pas u urdhërua të paraqitej në polici brenda pesë ditësh dhe nëse nuk arrin ta bëjë këtë, ai do të arrestohet.
Zuma, presidenti i vendit më të zhvilluar ekonomikisht të Afrikës nga 2009 në 2018, është akuzuar për shumë raste të korrupsionit, mashtrimeve, evazionit fiskal dhe pastrimit të parave. /tesheshi.com/
