Presidenti i Republikës së Shqipërisë, Bujar Nishani, nuk e ka dekretuar ligjin për kamerat e sigurisë.
Kreu i Shtetit ka pritur ditën finale të afatit zyrtar dhe është shprehur me dekret.
Në faqen zyrtare të Presidentit është publikuar dekreti me nr 9501 me datën 4 prill, ku theksohet se Presidenti i Republikës e ka rikthyer për rishqyrtim në Kuvend këtë ligj për tre arsye.
1-Së pari sipas tij cenohet e drejta për respektimin e jetës private dhe familjare e garantuar nga neni 35 i Kushtetutës.
2- Së dyti sipas kreut të shtetit, Ndërhyrja në të drejtën për jetë private dhe familjare përmes masave të parashikuara në nenin 8 të Ligjit nuk është e justifikueshme, e domosdoshme dhe proporcionale.
Dhe së treti Nishani rendit si arsye, se ligji bie ndesh me Direktivën 95/46 EC, ku informacionet private do të trajtohen nga policia ndërsa më parë bëheshin nga Autoriteti i Pavarur i Komisionerit për të Drejtën e Informimit dhe Mbrojtjen e të Dhënave Personale
Ligji për kamerat e sigurisë u miratua në seancën plenare të 10 marsit të këtij viti. Ligji parashikon vendosjen e kamerave të sigurisë në disa ambiente publike, por edhe në disa aktivitete biznesi private. Marria e të dhënave filmike dhe audio do të trajtohen nga policia dhe do të përdoren nëse konsiderohen të nevojshme për ngjarje të caktuara.
Sipas qeverisë, ligji synon rritjen e sigurisë në vend, por ai ka hasur në kundërshtinë e disa deputetëve të parlamentit, madje edhe aleatë të qeverisë.
Ata ishin kundër masave shtrënguese, të cilat detyrojnë mbylljen e një biznesi nëse nuk zbatohej ligji.
Opozita ende nuk ka dalë me një variant zyrtar për këtë ligj, por kanë qenë deputetë të LSI-së por edhe të PS-së.
Gjatë diskutimit që u bë në komisionin Parlamentar të Sigurisë sh-ministri i Brendshëm, Flamur Noka, tha se nuk luftohet kriminaliteti me kamera, por me vullnet. /tesheshi.com/
