Presidenti Meta ka dalë kundër propozimit, apo ndryshe kërkesës së homologut të tij kosovar, Thaçi, për dhënien e nënshtetësisë shqiptare, shtetasve të Kosovës. Në një konferencë me ambasadorët shqiptarë në botë, Meta tha:
“Besoj se dhe ju ndjeni atë presion që ne ndjejmë ne këtu, me dëshirën për ta tejkaluar këtë pengesë apo izolim, përmes marrjes së shtetësisë shqiptare nga qytetarët e Kosovës, gjë që nuk është zgjidhje, jo për shkak të mungesës tonë të dëshirës por për faktin se ne vetë jemi në monitorim për çështjen e liberalizimit të vizave nga vendet e BE-së dhe të zonës Shengen.
Çdo veprim emocional nuk do të zgjidhte problemin e lëvizjes së lirë të shqiptarëve të Kosovës por do të bllokonte lëvizjen e lirë të qytetarëve të Shqipërisë. Ndërsa në një plan më afatgjatë kjo nuk do të thoshte asgjë për marrëdhëniet e Kosovës me BE-në, përkundrazi do i vinte ato në një pozitë edhe më të vështirë”.
Ky qëndrim i Metës, është më i troçti dhe më i qartë shprehur deri më tani nga shteti, por dhe politika shqiptare, pas kërkesës së palës kosovare për t’u bërë shqiptarë dhe me letra, pra me pasaportë. /tesheshi.com/
